L'onn d'urari
Fin il 2001 cumenzava l'onn d'urari mintgamai la fin da matg. Il 2002 ha la Conferenza europeica dals uraris fixà la midada da l'onn d'urari sin mez december per l'avischinar a quella da l'onn chalendar. La Cumissiun europeica ha declerà cun la decisiun 2002/844/CE (numer d'acta C(2002) 3997) che quest termin saja valaivel da maniera generala. En Svizra fixescha l'Uffizi federal da traffic (UFT) l'onn d'urari. En consideraziun da l'interdependenza internaziunala dals transports ed en applicaziun da la cunvegna davart il traffic terrester ha el surpiglià la reglamentaziun da l'UE era per la Svizra.
L'urari mida la segunda sonda da december da mesanotg, il pli baud ils 8-12 ed il pli tard ils 14-12. L'urari entra damai en vigur la dumengia sequenta, q.v.d. il pli baud ils 9-12 ed il pli tard ils 15-12.
Dapi l'introducziun da questa reglamentaziun croda l'emprim di da valaivladad dal nov urari sin las suandantas dumengias:
15.12.2002
14.12.2003
12.12.2004
11.12.2005
10.12.2006
09.12.2007
14.12.2008
13.12.2009
12.12.2010
11.12.2011
09.12.2012
15.12.2013
14.12.2014
13.12.2015
11.12.2016
10.12.2017
09.12.2018
15.12.2019
13.12.2020
12.12.2021
11.12.2022
10.12.2023
15.12.2024
14.12.2025
